Travel & Tourism Course kya hai, Tourist guide or tour operator kaise bane

Travel industry me Career kaise banaye

Hello friends, Is article ke through hum aapko tourism industry se related courses ke bare me batayenge. tourism industry is samay ki sabse jyada booming industry hai. tour and travel se related kayi tarah ke certificate, diploma or degree courses karke aap apne career ko nayi bulandiyo tak pahucha sakte hai. 

Agar aapko ghumne firne or adventure trip par jana pasand hai. new places dekhne ka shauk hai. toh definitely is tarah ke courses aapko karne chahiye. kyunki ye courses karke aap apne shauk ko pura kar sakte hai aur apna career bhi bana sakte hai.

Must Read: Confused, 10th Ke Baad Kya kare, Kis Tarah Ke Courses ko Join Kare

India dheere dheere tour and travel industry me apni pakad bana raha hai. tourism industry me is samay india ki ranking 48 number par hai. world se kaafi log har saal india ghumne aate hai. iske liye tour and travel companies ko kayi tarah ke man power ki jarurat hoti hai. isiliye kaha bhi jata hai ki world me agar sabse jyada jobs kisi industry me hai to wo tourism industry me hai. india tourism industry me lagatar acha kar raha hai aur isiliye Tour and travel industry me india ki ranking me consistently improvement ho rahi hai.



Travel and Tourism Course Kya Hai:

Tour and travel industry vast industries me se ek hai. isiliye is field me kayi tarah ke courses available hai. travel and tourism me tour operator or tourist guide hi career option nahi hai balki isme tour and travel se related har tarah ke specialized course karaye jate hai like catering management, hospitality, hotel management, cargo and logistics management. ye sabhi fields tourism industry ke antargat aati hai. India me kayi institute is tarah ke courses ko offer karte hai. 

Must Read: Bina Paise Ke Kaun Sa Business Start Kar Sakte Hai, Top Business Ideas

Tour and travel industry ek service industry hai. jiska kaam hai logo ko achi service provide karana. isme aap kayi tarah ke certificate, degree or diploma courses kar sakte hai. ab hum aapko batate hai isme aap kis tarah ke courses kar sakte hai;

Degree Courses:

  1. B.Sc in Tourism and Hospitality
  2. B.A in Tourism administration
  3. B.A in Travel and Tourism Management
  4. B.A (vocational studies) in Tourism Management
  5. B.A in Airline, Tourism and Hospitality Management
  6. BBA in Travel and Tourism Management
  7. M.A in Tourism Studies
  8. MBA in Travel & Tourism Management

Diploma Courses:

  1. Diploma in Travel and Tourism Management
  2. Diploma in Hotel and Catering Management
  3. Diploma in Tourism and Hotel Management
  4. Diploma in Cargo and logistics Management
  5. Diploma in Transport Economics and Management
  6. Diploma in tour & travel and airport handling
  7. Post Graduate Diploma in Hospitality, Catering Technology and Tourism
  8. Post Graduate Diploma in Travel and Tourism Management
  9. Post Graduate Diploma in Tourism and Hotel Management

Short Term Certificate Courses:

  1. Certification in travel and Tourism
  2. Certification in hospitality and Catering
  3. Certification in Airport Handling
  4. Certification in cargo, logistics and ground staff training
  5. Certification in air ticketing, airfares and customer reservation system
  6. certification in tour operators and tourist guide

Must Read: ITI Course Kya Hai, ITI Ke Baad Kis Job Ke Liye Apply Kar Sakte Hai

Eligibility For Courses:

is field me students kisi bhi course ke liye apply kar sakte hai. 10th, 12th or graduate students kisi bhi field me apply kar sakte hai. har field ke liye alag alag eligibility hai. kuch institutes entrance test ke basis par students ka selection karte hai.

Job Opportunities:

jaise ki humne pehle hi kaha ki is field me sabse jyada jobs rehti hai. is tarah ke courses karke aap kisi bhi private or government organiation me job ke liye apply kar sakte hai. is field me indian tourism promotion, immigration and custom, tour operator and agencies, translator, guide or many more other related jobs ke liye apply kar sakte hai.

Tourist Guide:

Tourist guide bankar aap apne career ko naye mukaam tak pahucha sakte hai. agar aap hindi, english ke saath kisi foreign language ke jaankar hai. to is field me aapko success milne ke sabse jyada chance hote hai. tourist guide banane ke liye aapko ministry of tourism me license ke liye apply karna padta hai. jisme test ke aadhar par logo ko tourist guide banane ka license diya jata hai.

Travel Agency:

Travel agency is industry ka sabse main part hai. kyunki travel agency hi tourist ko har tarah ki service dene ka kaam karti hai. tourist ki requirement ko analysis karne ka kaam travel agencies hi karti hai. kisi bhi tarah ki services ko design, implement and co-ordinate karne ka kaam travel agency ka hi hota hai. travel agency ke bina tourism industry na ke barabar hai. is liye agar aap kisi travel agency ko run karte hai to aap apne career ko secure karke acha kama sakte hai.

Must Read: 2030 Tak Kis Field Me Jobs Ki Sabse Jyada Demand Hone Wali Hai

Travel and Ticketing:

India me har saal 1.25 crore se upar log india ghumne aate hai. isme aap kisi bhi hotel ke saath milkar travel and ticketing ka kaam kar sakte hai. kayi bade hotels ticketing ke liye apne hotel me alag se staff bhi rakhte hai. ticketing ka kaam karke aap acha paisa kama sakte hai.

Airlines and Airport Staff:

Agar aapki personality achi hai or english aur anya languages me pakad hai. to aap kisi bhi airlines ke saath cabin crew ki job ke liye apply kar sakte hai. airlines cabin crew staff ko achi salary par hire karti hai. iske saath saath aap airport ground staff job ke liye bhi apply kar sakte hai. iske liye time to time airport authority ki taraf se jobs notification nikala jata hai.

Government Jobs:

Tourism Department me jobs ke liye SSC or UPSC exam ke through government jobs ke liye apply kar sakte hai.

Aane wale kuch samay me India travel industry me sabse bada market place hoga. isliye is field me jobs ki sabse jyada opportunities hai aur is field me career banane ke liye bataye gaye kisi bhi course ke liye apply kar sakte hai.

Aapko ye article kaisa laga, hume comment box me comment karke jarur bataye or phir aap hume info@talkfromheart.in par mail karke bhi bata sakte hai. is article ko aap dusro ke saath share bhi kar sakte hai.

agar aap bhi hamare saath kisi tarah ki koi news or article share karna chahte hai. to aap use share your story option me jaakar hamare saath share kar sakte hai.

About the author: Talk From Heart

In TFH, You can see Latest Hindi News, Hindi News, Blogging, SEO Tips, Internet se paise kaise kamaye hindi me, Affiliate Marketing se paise kaise kamaye hindi me, premium wordpress themes and plugins. Always Support to Newbie Bloggers.

Related Posts

Leave a Reply

Your email address will not be published. Required fields are marked *

error: Content is protected !!