Jobs & Career

NEET, JIPMER, AIIMS Medical Exam Ki Preparation ( Taiyari ) Kaise Kare

medical exam

NEET, AIPMT, AIIMS, JIPMER Jaise Medical Exam Ki Preparation ( Taiyari ) Kaise Kare

Hello Friends, Agar aap Doctor banana chahte hai to aapko NEET, AIIMS, JIPMER jaise medical exam ko crack karna hoga. In Medical exam ko crack karne ke baad hi aap MBBS ke liye different colleges me apply kar sakte hai.

Doctor ka profession ek noble profession hai. doctor hamesha ek life savers ki tarah work karta hai. isiliye doctor ko god se kam nahi mana jata hai.

Isse pehle ke article me humne aapko bataya tha ki agar aap MBBS nahi kar sakte. to aap kaise nursing course karke medical field me career bana sakte hai. iske liye aap hamara ye article padh sakte hai.

Must Read: Nursing Course kya hai, Nursing Course ke baad kis Job ke liye apply kare

Medical exam ke liye millions of students apply karte hai. isliye isme bahut jyada competition hai. isliye jaruri hai ki aap ache se exam ki preparation kare. kyunki Best career ke liye jaruri hai ki aap kisi good ranking college se MBBS kare.



Waise to sabhi medical exam like NEET, AIIMS, JIPMER etc ka pattern and syllabus same rehta hai. lekin sabse important baat ye hai ki agar aap doctor banana chahte hai to iski preparation aap 11th or 12th se hi start kar de. iske liye kayi coaching institutes foundation course bhi karate hai or self study material provide karte hai. kehte hai na agar study smart and sahi tarike se ki jaye to aapko success jarur milegi.

Is article ke through hum aapko medical exam ki preparation and crack karne ke bare me kuch tips batayenge. jise aap follow kar sakte hai. bahut se students tensed rehte hai ki kis tarah se wo medical entrance exam ki preparation  kare. so this article will definetly help u to decide. is article ke through hum aapko medical exam se related sabhi tarah ki information provide karenge ki exam syllabus kya hai, kis tarah ke medical exam ke liye aap apply kar sakte hai and exam pattern kya hai. medical exams ko crack karne ke liye jaruri hai ki aapko pattern and syllabus ki complete knowledge ho.

Must Read: Top 10 Medical Colleges In Maharashtra and Their Rankings 

Medical Exam List and Pattern :

NEET or AIPMT :

NEET or AIPMT ek hi exam hai. pehle ise AIPMT ke naam se conduct jata tha, lekin ise baad me NEET  kar diya gaya. NEET exam ko every year CBSE ke through conduct kiya jata hai. yeh ek national level exam hai. jiske through aap MBBS, BDS, Dentist or other medical UG courses ke liye colleges me admission le sakte hai. sabhi government and private institutes admission ke liye NEET score ko consider karte hai.

2018 se general and OBC category students NEET ka exam 9 times hi de sakte hai. jabki reserved category students NEET ka exam 14 times de sakte hai. Supereme court ke order ke baad NEET exam bilingual hoga.

NEET ke Exam me Chemistry, physics, zoology and botany subjects se related questions puche jayenge. Total 180 questions hoge, jisme every subjects se 45 questions puche jayenge. exam paper total 720 marks ka hoga, jisme 180 marks every subjects ke honge. exam offline mode (pen and paper based) me conduct hoga. jiske liye 3 hours ka time duration hoga.

Sabhi questions objective honge. correct answer dene par 4 marks and wrong answer dene par 1 marks negative marking hogi. Supreme Court ke order ke baad aap NEET exam ko 8 languages ( like Gujarati, Bengali, English, Hindi, Tamil, Marathi, Telugu, Assamese) me de sakte hai.

Must Read: Top 10 Medical Colleges in India and Their Ranking

AIIMS MBBS (All India Institute of Medical Sciences):

AIIMS MBBS exam ko All India Institute of Medical Sciences, New Delhi ke through conduct kiya jata hai. AIIMS india ka top medical college hai. jaha par aap MBBS ke course ke liye admission le sakte hai. AIIMS MBBS exam ke through aap kisi bhi AIIMS college me admission le sakte hai. AIIMS ke 7 Colleges New delhi, Rishikesh, Patna, Bhuwneshwar, Bhopal, Jodhpur and Raipur ki 700 seats ke liye apply kar sakte hai.




AIIMS MBBS exam ko online mode me conduct kiya jata hai. jisme completely objective questions puche jate hai. jiske liye 3 1/2 hours ka time diya jata hai. Isme Chemistry, Physics, Zoology, botany and General aptitude se related questions puche jate hai. AIIMS MBBS ka question paper total 200 marks ka hota hai. jisme total 200 questions puche jate hai. every right answer ke liye 1 marks and wrong answer ke liye 1/3 marks negative marking hoti hai.

200 questions me se 60 questions chemistry se, 60 questions physics se, 60 questions zoology and botany se and 20 questions general aptitude se related puche jate hai.  AIIMS MBBS exam ko 2 language English and Hindi me conduct kiya jata hai.

JIPMER ( Jawaharlal Institute of Post Graduate Medical Education and Research ) :

JIPMER exam ko Jawaharlal Institute of Post Graduate Medical Education and Research ( JIPMER university), Ponicherry ke through conduct kiya jata hai. JIPMER University india ka top medical college hai. jaha par aap MBBS ke course ke liye admission le sakte hai. JIPMER exam ke through JIPMER ke 2 campus me admission le sakte hai. JIPMER ke 2 Campus Pondicherry and Karaikal ki 200 seats ke liye apply kar sakte hai.

JIPMER exam ko online mode me conduct kiya jata hai. jisme completely objective questions puche jate hai. jiske liye 2 1/2 hours ka time diya jata hai. Isme Chemistry, Physics, Biology, English and logical reasoning se related questions puche jate hai. JIPMER ka question paper total 200 marks ka hota hai. jisme total 200 questions puche jate hai. every right answer ke liye 1 marks diye jate hai aur isme koi negative marking nahi hoti hai.

200 questions me se 60 questions chemistry se, 60 questions physics se, 60 questions Biology se and 10 questions english se and 10 questions logical reasoning se related puche jate hai.  JIPMER exam ko 2 language English and Hindi me conduct kiya jata hai.

Other Medical Exams and State PMT Exams :

Other medical entrance exams and State PMT exams ka pattern approximately same hi rehta hai.

Medical Entrance Exam Eligibility :

Eligibility Criteria for NEET Exam:

1- Koi bhi Indian, NRI ( jo indian citizen ho) students NEET exam ke liye apply kar sakte hai.

2- Applicant ki age minimum 17 years aur maximum 25 years honi chahiye. reserved category applicant ko 5 year ka relations hai. sabhi applicant ke pass Aadhar Card hona mandatory hai.

3- Applicant ko Physics, chemistry and biology subjets ke saath kisi recognized board se 12th pass hona jaruri hai. General category students ko 50% marks, SC/ST/OBC students ko 40% marks and Physically handicapped students ko 45% marks ke saath pass hona jaruri hai.

Eligibility Criteria for AIIMS MBBS Exam:

1- Koi bhi Indian, NRI ( jo indian citizen ho) and foreign students AIIMS MBBS exam ke liye apply kar sakte hai.

2- Applicant ki age minimum 17 years honi chahiye.

3- Applicant ko English, Physics, chemistry and biology subjets ke saath kisi recognized board se 12th pass hona jaruri hai. General and OBC category students ko 60% marks and SC/ST students ko 50% marks ke saath pass hona jaruri hai. 12th appearing students bhi AIIMS MBBS exam ke liye apply kar sakte hai.

Eligibility Criteria For JIPMER Exam:

1- Koi bhi Indian, NRI and OCI students JIPMER exam ke liye apply kar sakte hai.

2- Applicant ki age minimum 17 years honi chahiye. reserved category applicant ko age me koi relaxation nahi hai.

3- Applicant ko Physics, chemistry and biology subjets ke saath kisi recognized board se 12th pass hona jaruri hai. General category students ko 50% marks, SC/ST/OBC students ko 40% marks and Physically handicapped students ko 45% marks ke saath pass hona jaruri hai.

Eligibility Criteria for Other Medical Entrance Exam and State PMT Exam :

Same as NEET Pattern and Institutional Norms.

Medical Entrance Exam Syllabus: 

Sabhi medical entrance exam ka syllabus 12th standard ka hota hai. isliye medical entrance exam ko crack karne ke liye jaruri hai ki physics, chemistry, biology, botany subjects me good command ho. sabhi topics and concepts ache se clear ho. AIIMS and JIPMER jaise exam ke liye english and logical reasoning ki bhi preparation kare.

Medical entrance exam ke paper ko NCERT, CBSE and State board ke syllabus ke according hi design kiya jata hai.

Other Course Related Article: ITI Course kya hai, ITI ke Baad kis JOB ke liye apply kar sakte hai

Medical Entrance Exam ki Prepartaion Kaise Kare :

Kisi bhi entrance exam or competitive exam ko crack karne ke liye self study karna bahut jaruri hai. Medical Entrance Exam ka complete syllabus 12th standard ka hai. isliye 11th and 12th se hi exam ki preparation start kar deni chahiye. Course se related sabhi concepts and topics clear ache se clear kare. 

Last year ke questions paper and sample papers dekhe. uske according proper short notes banate rahe. isse aapko revision karne me easy hoga. exam ke time par short notes ki kaafi help milegi. aap jaldi se revision kar apne concepts clear kar sakte hai.

Agar aapko lagta hai ki aapko kisi guidance ki jarurat hai. to koi institute or coaching class ko join karo. institute or coaching classes par full depend na ho. self study jaruri hai. coaching institute ko as guidance maankar chale.

online mocks test de and last year ke papers ko solve kare. aap ghar par bhi online self study material manga kar bhi study kar sakte hai. Proper time table bana kar study kare and notes ko prepare kare. 

last year ke solved papers ko read kare. isse aapke topics bhi clear honge and revision bhi hoga. last year ke paper ko analyze kare ki kis topics se sabse jyada questions aaye hai. un topics par ache se command kare.

Study ke time par tension or pressure mat rakhe. free mind ho kar study kare. study karne ke liye sahi books ka selection kare. jyada se jyada books padhne ko try na kare. Sirf NCERT books ko follow kare aur uske saare topics ko ache se revise kare.

Kisi topics ke bare me agar samajh me nahi aa raha hai, to use apne seniors or sir se jarur puche. last year jinhone exam me top kiya ho, unke bare me padhe aur unke study method ko follow karne ki koshish kare. isse aapko confidence aur motivation milega.

Successful doctor banana har kisi medical aspirant ki wish hoti hai. iske liye jaruri hai ki kisi top class medical college me admission ho. top medical college me admission lene ke liye aapko inme se kisi bhi exam ko crack karna hoga. exam ko crack karne ke liye sahi guidance, hardwork and confidence hona bahut important hai.

Must Read: 2030 tak kis field me sabse jyada JOBS ki demand hone wali hai

Aapko hamara ye article kaisa laga. hume comment box me comment karke jarur bataye. aap hume mail karke bhi apne views and questions hum tak pahucha sakte hai. iske liye aap info@talkfromheart.in par mail kar sakte hai.

About the author

Talk From Heart

In TFH, You can see Hindi News, Blogging Tips, SEO Tips, Internet se paise kaise kamaye hindi me, Affiliate Marketing se paise kaise kamaye hindi me, Travel, Tourist Places, Movie Reviews, Product Reviews, Job, Education, Business Ideas, Career Tips, Entertainment, Quotes. Always Support to Newbie Bloggers.

4 Comments

Leave a Comment

error: Content is protected !!