Jobs & Career

Indian Army Kaise Join Kare, Kaise Army me Jane ki Taiyari Kare

indian army

Indian Army Kaise Join Kare

Hello friends, aaj hum aapki help karenge ki kaise aap indian army ko join kar sakte hai. indian army ko join karne ka bahut se logo ka sapna hota hai. indian army ko world ki top most army me count kiya jata hai. isko join karna bade hi samman aur garv ki baat hoti hai. is post ke jariye un sabhi logo ko help milegi. jo bhi indian army ko join karna chahta hai. yaha par hum aapko pura detail me samjhaenge ki kaise aap indian army ko join kar sakte hai.

Jinke bhi mann me desh ke liye kuch kar gujarne ka junoon hai. to ye post definetly aapke liye hai.

Basically, Indian army ko aap 4 tariko se join kar sakte hai. ji haan, 4 tariko se aap indian army ko join kar sakte hai. bahut se logo ko is bare me pata nahi hota. jis kaaran se kuch log army ko join nahi kar paate. lekin ab aap niraash na ho. hamara motive hai ki hum aap tak sahi jaankari pahuchaye. aaiye jaante hai, un 4 tariko ke bare me jinki help se aap indian army ko join kar sakte hai.


Join Indian Army:

  1. Soldiers and Clerk Entry
  2. Army Education Corps (AEC)
  3. Commissioned Officer (NDA, CDS, OTA, SSC)
  4. Territorial Army

aap mainly in 4 tariko se join kar sakte hai. ab aapko ye to pata chal gaya ki kaise kaise aap army ko join kar sakte hai. ab hum aapko ye batate hai ki kaise aap in sabki taiyari kar sakte hai.

Soldiers,  Tradesman, Nursing assistant and Clerk Entry:

Army me Soldiers and Clerk ke liye indian army time to time bhartiyo ko aayojan karti rehti hai. in bhartiyo ki jaankari aap army ke nikattam ZRO, BRO or ARO office se pata kar sakte hai or phir aap online bhi check kar sakte hai. ab aap online bhi indian army ke liye apply kar sakte hai.

Online jaankari dekhne ke liye aap ye link dekh sakte hai. Join Army

Soldiers and Clerk entry me join karne ke liye aapko 3 tarah ke exam pass karne hote hai.

  1. physical Test
  2. Medical Test
  3. Written Test

In sabhi testo ke aadhar par merit list taiyar ki jaati hai. jiske baad aap army ko join kar sakte hai. ab hum aapko batate hai ki isko qualify karne ki minimum requirement kya hai.

Soldiers, tradesman, Nursing Assistant and Clerks Requirements:

  • Age: 17.5 to 21 years ( For Soldiers) 23 years ( For Clerks, Tradesman & Nursing Assistant )
  • Height: 170 Cm lekin agar aap hill area se hai to 160 to 166 Cm
  • Qualification: 10th or 12th
  • Nationality: Indian
  • Eye sight: 6/6

Benefit Points:

  • NCC Certificate
  • Sports Certificate

ye sabhi requirements puri hone ke baad aap indian army ke liye eligible hai. ab aapko sirf upar diye gaye 3 exams ko qualify karna hai.

Must Read: Confused, 10th ke baad kya kare

Physical Exam for Soldiers, Tradesman, Nursing Assistant and Clerks:

physical exam ko pass karne ke liye aapko 1600 mts. ki race ko 5.15 minute me complete karna hota hai. jitna kam samay me aap race ko complete karenge. utne hi jyada points aapko milenge. iske liye aapko total 60 marks diye jate hai. race ko finish karne ka maximum time 5.45 minutes hai. jiske liye aapko 48 marks diye jayenge.

agar aapne race ko ache marks se qualify kar liya. to aapke chances jyada badh jate hai. race ke baad aapko pull ups pull up beam, long jump karni hoti hai. yaad rahe jitna acha aapka physical hoga, utne hi jyada chances hote hai pass hone ke.

Medical Exam For Soldiers, Tradesman, Nursing Assistant and Clerks:

Medical Exam ke dauran candidate ka pura medical check up kiya jata hai. eyes, ear aur teeth par khasa dhyan diya jata hai. agar aapke body parts sahi hai aur kisi tarah ki koi mental problem or bones ki problem nahi hai. to aap medical test ko easily clear kar jaoge.

Written Exam For Soldiers, Tradesman, Nursing Assistant and Clerks:

sabse last me aapko written test ko qualify karna hota hai. isme aapse 10th level general knowledge & General science se related question puche jate hai. clerk ke exam ke liye general english ke bhi question hote hai. is exam ko solve karne ke liye 1 hour ka samay diya jata hai. 1 hour me aapko 100 questions ke answer dene hote hai. jo ki 10th standard ke hote hai. ise qualify karne ke liye aapko minimum 33% marks lana jaruri hai.

ye sabhi exams ko qualify karne ke baad merit list ready ki jaati hai. jiske aadhar par selection kiya jata hai. Sabhi trades ke liye ye process same rehti hai.

Indian Army Education Corps (AEC):

Requirements For Army Education Corps (AEC):

  1. Should Be Graduate or Post Graduate
  2. Age limit: 20 to 25 years
  3. baaki saari requirements same rehti hai

Education corps ko join karne se aap seedhe havaldar ki post par commissioned hote hai. iske liye aapko written exam ko pehle qualify karna hota hai. isme 2 tarah ke exam hote hai. group X for technical person and group Y for Non-technical person

Group X ke liye wahi apply kar sakta ha. jisne MA/M.sc/MCA or BA/B.Sc/BCA ke saath B.Ed kiya ho. group Y ke liye koi bhi graduate apply kar sakta hai.

is exam ko qualify karne ke liye General Knowledge, Science, Maths and english ki practice karni jaruri hai. written exam ko qualify karne ke baad aap physical aur medical test ke liye applicable hote ho. jo ki upar di gayi process ke according same hota hai.

Army me aap religious teacher ke liye bhi apply kar sakte hai. iske liye aapka normal graduate hona jaruri hai. iske liye age limit 27 to 34 years hai. iske liye alag se date announce hoti hai. is exam ko qualify karne ke baad aap seedhe JCO (Subedar) ki post par commissioned hote hai.

Agar aapne hotel management course or isse related koi diploma kiya hai. to aap army service corps ke liye apply kar sakte ho.

in sabhi se related exams date ko check karne ke liye aap ye link follow kar sakte hai.

Check this Link

NDA, CDS and OTA ke liye hum alag se post karenge. abhi bas itna kahenge ki NDA, CDS ke liye aapko UPSC ka exam qualify karna hota hai. ise qualify karne ke baad aap officer rank ke liye commissioned hote hai. iski taiyari kaise kare. iski jankari hum aapko next post me denge.

Territorial Army:

aapne dekha hoga ki bahut se players or stars army ko join karte hai like mahendra singh dhoni, kapil dev, Sachin tendulkar (air force). wah sabhi territorial army ka part hote hai.

territorial army ko koi bhi indian citizen join kar sakta hai. jiski age 18 to 42 years ke beech ho aur wo medical fit ho. ise join karne ke liye aapko minimum graduate hona jaruri hai aur aapne kisi na kisi chetra me acha karya kiya ho. phir wo chahe job ke dauran ho or business ke. aap territorial army ka hissa banane ke liye eligible hai. iske liye aapko written exam ko qualify karna hota hai

Adhik jaankari ke liye aap territorial army ki website dekh sakte hai. Territorial Army Website

Jisme hausala aur junoon hai. wo in tariko se indian army ko join kar sakta hai.

Agar aapko ye post acha laga to hume comment box me comment karke bata sakte hai. agar aap kisi bhi tarah ke courses ki jankari chahte hai to aap hume comment ke madhyam se bata sakte hai or hume info@talkfromheart.in par mail karke bhi puch sakte hai.

Jobs and career Consultant kisi bhi tarah ki post ko share your story option me jaakar publish kar sakte hai.

About the author

Talk From Heart

In TFH, You can see Hindi News, Blogging Tips, SEO Tips, Internet se paise kaise kamaye hindi me, Affiliate Marketing se paise kaise kamaye hindi me, Travel, Tourist Places, Movie Reviews, Product Reviews, Job, Education, Business Ideas, Career Tips, Entertainment, Quotes. Always Support to Newbie Bloggers.

25 Comments

Leave a Comment

error: Content is protected !!