IBPS, SBI PO Jaise Bank Exam Ki Preparation ( Taiyari ) Kaise Kare

IBPS, SBI PO Jaise Bank Exam Ki Preparation ( Taiyari ) Kaise Kare

Bank Exam
IBPS, SBI PO Jaise Bank Exam Ki Preparation ( Taiyari ) Kaise Kare

Hello Friends, Is article ke through hum aapko batayenge ki kaise aap IBPS, RRB, SBI PO and Clerk and other bank exam ki preparation kare. Aajkal ka youth comfort life jeena chahta hai aur uske liye jaruri hai ki ek achi job and handsome salary ho. hum sabhi jaante hai ki government job me jitna comfort hai, utna kisi bhi job me nahi hai. comfort ke saath government employees ko kayi tarah ke benefits and facilities bhi milti hai.

Hum sabhi jante hai ki is samay government job ke liye sabse jyada vacancies banking sector me nikalti hai. sabhi students aajkal bank exam ki taiyari karte hai. kyunki is sector me na hi koi rescission aata hai aur na hi private jobs ki tarah logo par pressure hota hai. safe and secure life ke liye bank jobs sabse best hai. isme bank employees ko kayi tarah ke benefits milte hai aur sabse important baat ki ye fixed time job hoti hai.



Isiliye aaj kayi graduates, engineer and professional big MNC’s job leave karke bank jobs ke liye try karte hai. isiliye bank exam ko clear karne ke liye sabse jyada competition ho gaya hai. isliye sabse important hai ki aapko bank exam se related har tarah ki information honi chahiye.

Must Read: ITI Course Kya Hai, ITI Ke Baad Kis Job Ke Liye Apply Kar Sakte Hai

Bank exam ki taiyari karne se pehle hume ye pata hona chahiye ki kis tarah ke bank exam nikalte hai. unka syllabus kya hai. kis job profile ke liye aap bank exam ki preparation kar rahe hai.

Bank Exam and Syllabus :

Bank exam ko IBPS organize karta hai. IBPS different job profile ke liye year me kayi baar exam ko conduct karata hai. IBPS mainly 4 job profile ke liye exam ko conduct karta hai.

1- IBPS PO Exam

2- IBPS Clerk Exam

3- IBPS Specialist Officer

4- IBPS Gramin Bank Exam

yeh sabhi IBPS exams year me 2 baar conduct kiye jate hai. jisme IBPS PO, IBPS Clerk and IBPS gramin bank ke liye year me 2 baar exam hote hai. IBPS specialist officer exam ko year me 1 baar conduct kiya jata hai.

Bahut se students ko IBPS exam pattern ke bare me pata nahi hota. Bas unhe itna pata hota hai ki IBPS bank exam ko organize karta hai aur wo exam dene ki taiyari karne lag jaate hai. jiske kaaran se wo exam ko clear nahi kar pate. IBPS bank exam mainly 3 parts me hota hai. jisme pehle aapko preliminary exam ko cross karna hota hai. preliminary exam ko cross karne ke baad main exam ko dena hota hai. jo log main exam ko cross kar jaate hai. unhe interview ke liye bulaya jata hai.

Must Read: Nursing Course Kya hai, Nursing Course ke baad kis Job ke liye apply kare

bank exam ko cross karna koi easy task nahi hai. iske liye sahi information and proper guidance hona bahut jaruri hai. exam ke liye mainly 6 subjects ki achi knowledge honi chahiye.

1- Logical Reasoning

2- Data Interpretation and Data Sufficiency

3- Quantitative Aptitude (Maths)

4- English

5- General knowledge and Current affairs

6- Computer

IBPS exam ko clear karne ke liye in sabhi subjects par command hona jaruri hai. dhyan rahe ki IBPS exam me negative marking bhi hoti hai. wrong answer dene par 0.25 marks cut kar liye jayenge. isliye exam ke time par blind hit karke answer na de. aksar dekha jata hai ki last ke time par kayi students exam ko pura karne ke liye blind hit karne lag jaate hai. jiske kaaran se wo exam clear nahi kar paate hai. kyunki blind hit karne se sabhi answers sahi nahi hote hai.

For example : last time par agar aapne 10 question par blind hit kiya. usme se 2 answer sahi ho gaye aur 8 wrong. to bhi aapke marks 0 ho jaane hai.

Bank Exam ki Preparation kaise Kare :

Dhyan rahe bank exam ko pass karne ke liye aapko sabhi sections me pass hona jaruri hai. isliye sahi guidance and discipline me preparation start kare. time management ke according sabhi subjects par command kare. yaha par hum aapko kuch tips bata rahe hai. jinhe aap apni self study ke liye apply kar sakte hai.

Time Management and Planning :

Sabse pehle self study ke liye proper planning kare aur kis job profile ke liye aapko exam dena hai. uska complete syllabus aapko pata hona chahiye. proper time manangement kare. sabhi subjects par dhyan de. time management karke aapko exam time par kaafi help milegi. last exams ke question papers ko dekhe ki kis tarah ke questions usme aaye hai aur aapko kaise subject schedule decide karna hai.

Must Read: Travel & Tourism Course kya hai, Tourist guide or tour operator kaise bane

IBPS mock test or Online mock test de. mock test dene se hamari efficiency pata chalti hai. exam time par hume iski wajah se kaafi help milti hai. jitne ache se aap mock test ki preparation karte hai. utne jyada chances aapke exams clear karne ke badh jaate hai. uske baad decide kare ki kya aapko kisi tarah ke guidance ki jarurat hai. agar aapko lagta hai ki preparation ke liye kisi institute ko join karna chahiye. to sirf guidance ke liye institute or coaching classes ko join kare na ki complete study ke liye.

Self Study :

Bank exam ki preparation ke liye self study sabse best hai. jaisa humne aapko pehle bataya ki aap kisi institute or coaching center ko sirf guidance ke liye join kare. proper study aapko ghar par hi karni padegi. 

Self study ke liye sabse jaruri hai time management, discipline and clear concepts. agar subjects ke according aapke concepts clear hai. to aap ghar par hi acchi preparation kar sakte hai. 

Self study karne se aapko sabhi subjects par proper command karne ka chance milta hai aur aapka time bhi waste nahi hota hai.

Self Study ke through exam pattern ko samjhe. jyada se jyada mock test de. khud se analyze kare ki kitne me aap kitne questions cover kar paa rahe hai. kaise aap question paper solve karne ke liye apni speed ko increase kar sakte hai. proper time table banaye aur sabhi subjects ko cover karne ke liye time set kare. kuch time baad jaise jaise aapki speed badhegi. aapka confidence and moral high ho jayega.

Preparation of all Subjects :

Sabhi exams ka subject syllabus alag alag hota hai. for example: Bank PO ke exam ke liye reasoning and maths ka level high hota hai to wahi clerk ke liye sabhi subjects ka level normal hota hai. isliye hume bilkul absolute mind se exam ki preparation karni chahiye. 




Subject time table banane se pehle kuch time tak mock test de. jisse aapko pata chal jaye ki kis subject par aapki kitni command hai. kis subject par aapko jyada dhyan dene ki jarurat hai aur aap pura question proper accurate time par complete kar le. uske baad hi decide kare aur apna subject time table apne according decide kare ki kaun sa section aapko sabse pehle karna hai.

ab yaha par hum aapko kuch tips bata rahe hai. jinko follow karke aap khud se hi apna subject time table decide kar sakte hai. subject sequence apne according hi decide kare.

Reasoning and Maths :

Reasoning, DI or DS and Maths subjects ko cover karne ke liye sabse pehle last time ke question papers dekhe. sabhi topics ko point out kare, jo sabse jyada baar exam me puche gaye hai. jis topic se sabse jyada baar questions puche gaye hai. unke short notes banaye. isse aapko exam time se pehle revision karne ka accha mauka milega.

Must Read: Computer Hardware Networking Course Kya Hai Aur Kaise Kare

Iske baad decide kare ki kis topic ko aap kitne time me karenge. kis topic par kitna hardwork karne ki jarurat hai. Reasoning and maths ke base concepts clear kare. isse aapko short tricks banane me help milegi. 

English :

Last time ke question papers ko dekhe. isse aapko pata chalega ki english section me kis tarah ke questions puche jaate hai. english me sabse jyada questions idioms and phrases, one word substitute, vocabulary, fill in the blanks and grammatical mistakes related topics se puche jaate hai. In sabhi topics ki ache se preparation kare aur vocabulary strong karne par bhi dhyan de. is section ke through aap paper me acha score kar sakte hai.

Computer :

is section me aap acha score kar sakte hai. isme aapse computer ke base level se related questions puche jaate hai. computer section ki preparation ke liye aap 10th standard tak ki book se preparation kar sakte hai. last time ke question paper jarur dekhe ki computer se related kis tarah ke questions aaye huye hai. unki acche se preparation kare.

General Knowledge and Current Affairs :

Daily news paper and current affairs magazine padhe. apne aapko current news se hamesha update rakhe. 

is tarah se aap bank exam ki proper preparation kar sakte hai aur IBPS PO, IBPS clerk, IBPS specialist officer, SBI PO, SBI Clerk and other bank exam ko clear sakte hai. apne aapko hamesha confident rakhe. kabhi bhi moral ko low mat hone de. hardwork is the only key of success. is rule ko hamesha follow kare.

Must Read: NDA CDS KI Preparation Kar, Army, Navy, Air-force Officer Bane

aapko hamara ye article kaisa laga, hume comment box me comment karke jarur bataye. aap hume email karke bhi bata sakte hai. hamara email address hai info@talkfromheart.in

About the author: Talk From Heart

In TFH, You can see Latest Hindi News, Hindi News, Blogging, SEO Tips, Internet se paise kaise kamaye hindi me, Affiliate Marketing se paise kaise kamaye hindi me, premium wordpress themes and plugins. Always Support to Newbie Bloggers.

Related Posts

Leave a Reply

Your email address will not be published. Required fields are marked *

error: Content is protected !!