Confused, 10th Ke Baad Kya kare, Kis Tarah Ke Courses ko Join Kare

Confused, 10th Ke Baad Kya kare
Confused, 10th Ke Baad Kya kare

Confused, 10th Ke Baad Kya kare

Hello Friends, aaj hum baat karenge ki 10th ke baad kya karna chaiye. agar aap bhi confuse hai ki 10th ke baad kya kare aur kis tarah ke courses ka selection karna chahiye. toh ye post aapke liye hai.

abhi haal hi me kayi 10th board exams ke result nikle hai. 10th pass karne ke baad sabhi ke mann me ye sawal hota hai ki kis tarah ke courses ka selection kare. taaki students ko apna career banane me aasani ho aur unhe achi opportunity mil sake. 10th ke baad hi aapko apni manchahi stream choose karne ka mauka milta hai. stream and courses ko lekar students aksar confuse ho jate hai. kabhi kabhi unke mann me ye darr bhi rehta hai ki is tarah ke courses ko wo pura kar payenge or nahi. isliye wo dusre courses ko join kar lete hai. jisse aage aane wale time me unhe kayi tarah ki problems ko face karna padta hai.

aaj hum aapke inhi questions ka answer denge aur courses ko lekar aapke andar ke darr ko door karenge.

hum sabse pehle aapse yahi kahenge ki hamesha apne par vishwas kare. kisi ki bhi dekha dekhi na kare, aisa aksar dekha jata hai ki agar aapka koi friend koi course join karta hai. toh aap bhi wahi course join kar lete hai. hum aapse kehna chahenge ki jis stream or course ke liye aapka interest ho. wahi course join kare. kisi ke bhi pressure me aake koi course join na kare. har kisi se koi advice na le, apne according decision le. agar aapko advice leni hi hai to sirf apne parents or jo aapka best teacher ho. usi se advice le.



10th pass karne ke baad sahi stream ko choose karna bahut jaruri hota hai. kyunki yahi wo samay hota hai. jo aapki desicion making power ko develop karta hai aur aapka sahi desicion aapko aapke goal tak bina kisi obstacles ke aaram se pahuchane me help karta hai.

aaj ki current reality me ab wo samay chala gaya jab aap traditional padhai karke hi apne goal ko achieve kar sakte the. ab aapko aapke hobbies ke according kabhi bhi opportunities mil sakti hai. isliye koi bhi course join kare. use apne hobbies ke according choose kare. for example: agar aapki hobbies singing hai. to aap 10th ke baad music se related padhai kar sakte hai. iske liye aap kisi bhi music school me admission le sakte hai.

hum hamesha apne students se kehte hai ki kabhi bhi apni hobbies ko drop na kare. balki aap use as a profession leke padhai kare. 10th ke baad ke courses ko join karne se pehle in tips ko jarur follow kare. jo aapki confusion ko door kar sakte hai.

Course join karne se pehle dhyan rahe:

  • 10th ke baad apni hobbies aur interest ke according hi kisi stream or courses ka selection kare.
  • kisi bhi stream ko join karne se pehle aap puri tarah se analysis kare. ki is course ke dauran kitna scope hai. 12th and college time me aapko is course ke through kis tarah ki opportunities mil sakti hai.
  • kisi ki dekha dekhi ya kisi ke pressure me aake koi course ko join na kare.
  • sirf parents aur apne best teacher ki hi advice le.
  • apne par viswas rakhe ki aap jis course ko join kar rahe hai. use ache se complete kar sakte hai.
  • course se related sabhi tarah ke exams aur opportunities ki bhi analysis kare. kyunki aajkal har tarah ke courses ke liye kayi tarah ki scholarships provide ki jati hai.
  • apni weakness aur strength ka sahi tarike se analysis kare. faaltu ke subject lene se bache. jinme aapka interest na ho.
  • jarurat pade to kisi career counselor ki madad le sakte hai.

ab hum aapko batayenge ki 10th ke baad aap kis tarah ki stream and courses ko join kar sakte hai.

After 10th Courses and Streams:

10th ke baad hi aap kisi proper stream or course ko choose kar sakte hai. but yahi sabse badi confusion hoti hai. to hum aapse bas itna hi kahenge ki kisi bhi stream or course ko join karne se pehle upar di gayi tips ko jarur follow kare.

10th ke baad mainly aap 3 tarah ki stream ko choose kar sakte hai like science, commerce and arts. aap apne interest ke according in stream ka selection kar sakte hai.

Science Stream:

agar aapka interest computer, robotics, medical, programming or anya aisi kisi cheezo me hai. to aapko science stream ko join karna chahiye. sabse jyada career opportunities aapko isi stream ke through milti hai. is stream me mainly maths, physics, chemistry, biology jaise subjects ko padhna padta hai. Science stream ke through, aap 12 th ke baad engineering, doctor, computer science, information technology or anya aisi kisi fields me apna career bana sakte hai.

Commerce Stream:

Agar aapka interest banking, accounting, management jaisi cheezo me hai. to aap commerce stream ko choose kar sakte hai. commerce stream me aapko accounting, business behavior, economics, commerce jaise subjects ko padhna padta hai. commerce stream ke through, 12th ke baad aap Banking, Financial Accounting, management jaisi fields ko join kar sakte hai.

Art Stream:

art stream ko lekar logo ke mann me bahut si galat fahmiya rehti hai. unhe lagta hai ki art stream ko choose karke aap apne career ko acha nahi bana sakte. IAS, IPS or anya government jobs ke liye aapka interest hai. to aap art stream ko join kar sakte hai. art stream me aapko sociology, economics, philosophy, political science jaise subjects ko padhna padta hai. art stream ke through aap kisi professional course ko bhi join kar sakte hai like music, home science, painting etc etc.

ab hum aapko batayenge ki aap 10th ke baad kis tarah ke professional courses ko join kar sakte hai.

10th ke baad professional courses:

bahut se log 10th ke baad professional courses ko karna pasand karte hai. to yaha par hum aapko aise hi kuch courses ke bare me batayenge. jinhe 10th ke baad karke aap apne career ko ache se bana sakte hai aur apne goal ko achieve kar sakte hai.

bas hamari ek advice rahegi ki agar aap 10th ke baad koi professional course join karte hai. to dusri taraf aap apni regular education ko continue rakhe. professional courses aapki skills ko boost karne ka kaam karte hai. iske saath saath regular education hona bhi bahut jaruri hai.

Hardware and Networking Courses:

agar aapka intrest computer me hai. to 10th ke baad aap hardware and networking jaise courses ko kar sakte hai. ye aapke liye ek acha option ho sakta hai. market me aajkal hardware and network engineers ki kaafi demand hai. is field ko join kar aap acha kama sakte hai.

ITI:

10th ke baad ITI courses ko join kar sakte hai. isme electrician, fitter, electronics, mechanical jaise courses join kar sakte hai. government sector me ITI kiye logo ki kaafi demand rehti hai. ITI karneke baad aap kisi bhi government sector me apprentice kar sakte hai.

Music & Painting:

Jinka interest music, painting or singing me rehta hai. wo kayi tarah ke music or painting courses ko join kar sakte hai. kayi colleges is tarah ke vocational courses offer karta hai. aap kisi bhi ache fine arts college ko join kar sakte hai.

Financial Accounting:

agar aapka interest banking, accounting or share market jaise cheezo me hai. to aap kayi tarah ke short term financial certification courses ko kar sakte hai. IRDA and NICM ke through aap in courses ko kar sakte hai. ye aapke future ke liye  ek acha option ho sakta hai.

agar aapka interest 10th ke baad job karne ka hai. to aap 10th ke baad Indian army, railway, ordnance factory or anya organizations ke liye apply kar sakte hai. lekin ye yaad rahe ki kisi bhi organiation me apply karne ki age limit minimum 18 saal hoti hai (indian army ko chodkar). to aap 10th ke baad ye jarur check kare ki 10th ke baad kis tarah ki job opportunities hai aur kya eligibility hai. tab tak usse related short term courses jarur kare. taaki aapko job apply karne me aasani ho.

hum asha karte hai ki humne aapki kuch confusions ko kam kiya hoga. agar aap koi bhi questions puchna chahte hai. to aap hume comment box me comment ke through or info@talkfromheart.in par mail karke bhi puch sakte hai. aapko ye post kaisa laga. hume comment box me comment karke jarur bataye.

Agar koi job and career consultant kisi tarah ki post ko publish karna chahte hai. to aap share your story option me hamare saath share kar sakte hai.

About the author: Talk From Heart

In TFH, You can see Latest Hindi News, Hindi News, Blogging, SEO Tips, Internet se paise kaise kamaye hindi me, Affiliate Marketing se paise kaise kamaye hindi me, premium wordpress themes and plugins. Always Support to Newbie Bloggers.

Related Posts

Leave a Reply

Your email address will not be published. Required fields are marked *

error: Content is protected !!